Skoða efni

Ferðaskilríki

Skilríki og brottfararspjald, takk! Það er nauðsynlegt að vera með gild ferðaskilríki til að fljúga með PLAY.

Ferðaskilríki

Þótt góð ferðalög geti verið full af óvæntum uppákomum og ófyrirsjáanlegum aðstæðum vill enginn byrja ferðina þannig á flugvellinum. Vertu vel undirbúinn heimsborgari og fljúgðu þægilega í gegnum flugvelli heimsins og öryggisleit með þessum einfalda gátlista.

  • Ferðastu með vegabréf sem gildir a.m.k. 90 daga umfram ferðatímabilið þitt.
  • Ferðastu með öll ferðagögn á þér sem áfangastaðurinn gerir kröfu um með tilliti til vegabréfs þíns og brottfararstaðar. Ferðagögn geta verið vegabréfsáritun, ESTA-ferðaheimild, upplýsingar um bólusetningar, o.fl.
  • Á mörgum flugvöllum er gerð krafa um að ferðamenn framvísi sönnun á brottför sinni aftur úr landinu ásamt heimilisfangi á fyrsta áfangastað ferðalagsins og því skiptir máli að hafa slíkar upplýsingar og gögn meðferðis.

Það er alfarið á ábyrgð farþega að afla sér upplýsinga og verða sér úti um löggild ferðaskilríki, ferðaáritanir og ferðaheimildir fyrir þann áfangastað sem þeir hyggjast ferðast til.

Allir farþegar verða að framvísa gildum vegabréfum eða gildum ferðaskilríkjum til að innrita sig í okkar flug. Þetta á við um foreldra, börn og ungabörn. Við vekjum athygli á því að einu gildu ferðaskilríki Íslendinga eru vegabréf.

Ferðast með tengiflugi um Keflavíkurflugvöll

Hafa skal í huga að farþegar sem ferðast til Schengen-svæða bera ábyrgð á að afla sér upplýsinga um hvort þörf sé á að hafa VISA meðferðis.

Vinsamlegast smelltu hér til að fá uppfærðar upplýsingar um kröfur um Schengen-vegabréfsáritun .

Athugið að farþegar með íslensk vegabréf þurfa ekki Schengen-vegabréfsáritun.

Ferðast til Bretlands

Bretland krefst aukinna upplýsinga um farþega áður en þangað er flogið. Þessar upplýsingar kallast API (Advanced Passenger Information). Þessum upplýsingum er hægt að skila inn í gegnum MyPLAY eða í vefinnritun. Eyðublaðið eru sáraeinföld pappírsvinna en fyrir þá sem kunna vegabréfsnúmerin sín, augnlit og hæð ekki utanbókar borgar sig að hafa vegabréfið uppi við.

Gildistími vegabréfsins þarf að ná yfir tímann sem dvalið er í landinu.


Frekari upplýsingar er að finna hér.