Antalya í Tyrklandi þykir sannkölluð paradís fyrir kylfinga því hér er gríðarlegt úrval af glæsilegum golfvöllum í fallegu landslagi og loftslagið fullkomið fyrir alls kyns útivist. Þeir sem eru að íhuga ógleymanlega golfferð til útlanda án þess að eyða um efni fram ættu að lesa lengra því hér förum við yfir nokkra útvalda golfvelli og gefum góð ráð um hvernig má spila meira golf fyrir minna.

Jamaa el-Fna markaður er líklega mesta sjónarspilið í Marrakesh og þótt víðar væri leitað.

Jamaa el-Fna (stundum skrifað Djamaa) er frægasta torgið í Marrakesh, en þessi markaður er líka samkomustaður og litríkt sjónarspil enda ein besta afþreyingin sem völ er á í Marrakesh í Marokkó.

Bæði heimamenn og ferðamenn mæta á markaðinn til að rölta um völundarhús götusölubása og njóta tónlistaratriða, götulistamanna og annarra skemmtikrafta sem halda á lofti hefðum sem hafa verið stundaðar hér í mörg hundruð ár.

Markaðurinn er efstur á okkar lista yfir bestu ókeypis afþreyinguna í Marrakesh en hér má að sjálfsögðu líka eyða fullt af peningum. Ferðalangar í Marrakesh ættu ekki að láta þessa litríku upplifun fyrir öll skynfærin fram hjá sér fara. Svo eru yfirgnæfandi líkur á að fólk snúi aftur hingað því þetta er í raun hjarta borgarinnar og engin leið að meðtaka allt sem fyrir augu ber hér í einni heimsókn.

Faro er sjarmerandi og sólrík höfuðborg Algarve-héraðs í Portúgal. Borgin er þekkt fyrir sjarmerandi gamla bæinn, fallegar strendur, unaðslegt veðurfar og afslappað andrúmsloft. En utan borgarmarkanna leynist fjöldi áhugaverðra áfangastaða sem auka bara á upplifunina af þessu fjölbreytta héraði Algarve hvort sem það er með stórbrotnu landslaginu, ríkri sögu eða lifandi menningu. Í stuttum dagsferðum frá Faro má nefnilega finna einstakar náttúruperlur, heimsfræga golfvelli, lúxuslíf innan um snekkjurnar og meira að segja sjálfan hjara veraldar. Hér förum við yfir nokkrar fyrirtaksdagsferðir frá Faro.

Álaborg er líklega ekki fyrsti áfangastaðurinn sem fólk hugsar um þegar það skipuleggur ferðalag til Danmerkur. Álaborg er hins vegar ein dásamlegasta gamla borg Evrópu og hér er að finna einhver bestu dæmi um nútímaarkitektúr sem fyrirfinnast í Danmörku, og þá er mikið sagt. Við erum ekki ein um að þykja mikið til Álaborgar koma. Árið 2019 var Álaborg á lista New York Times yfir 10 bestu áfangastaði heims. 

Og Álaborg er líka lifandi og litrík menningarborg. Hér er að finna kastala frá 16. öld, frábærar listasýningar, rúmlega 1.000 ár af sögu, víðfræga sundlaug í höfninni og fallega endurheimta strandlengju. 

Hér eru nokkrar góðar ástæður fyrir því að fólk leggi leið sína til Álaborgar:

Maturinn í Marrakesh er einstök og litrík kryddblanda úr réttum frá Miðausturlöndum, Afríku og Miðjarðarhafinu sem þú finnur hvergi annars staðar í heiminum. En hvað á að borða í Marrakesh snýst um fleira en bara það sem er sett á diskinn. Matarmenningin er oft lykill að þjóðarmenningunni og hér má læra margt og mikið um Marokkó með því að ráfa um matarmarkaðina og borða alvörumat heimamanna við hvert tækifæri. 

Matargerðarlist Marokkó endurspeglar ríkulega íbúaflóru landsins og dregur einkenni sín frá frumbyggjunum berbum, Aröbum, Spánverjum og Frökkum. Mikið af því sem fyrirfinnst á matseðlum veitingastaðanna á rætur sínar að rekja til aldagamallar hefðbundinnar matargerðarlistar. Helstu réttir eru kjötréttir með lambi eða kjúklingi eða nýveitt sjávarfang en flestir eru þeir afar litríkir og ilma af þessum einkennandi kryddum Marokkó. Brauðið er svo alveg sérstakur kafli sem fylgir nánast öllum réttum og er ávallt nýbakað. Grænmetisætur finna ávallt skjól í hinum sívinsælu „tagine“ og kúskús réttunum sem oftar en ekki eru í boði án dýraprótíns. 

Margir réttir í Marokkó eru tengdir ákveðnum svæðum en í ferðamannavænu borginni Marrakesh má finna það allra besta frá hverjum landshluta. Matur er líka einstaklega ódýr hér svo það margborgar sig að bragða á öllu sem hugurinn girnist. 

Hér förum við yfir nokkra gómsæta marokkóska rétti sem við mælum eindregið með því að fólk smakki í næstu ferð til Marrakesh. 

Eru dagsferðir frá Marrakesh góð hugmynd? Þetta er ein af merkilegustu stórborgum heims, stútfull af litríkum ríads, spennandi tónlist, skemmtilegum verslunum, heillandi sögulegum og trúarlegum stöðum og svo margt, margt fleira. Það væri auðvelt að fljúga beint til Marrakesh og fara aldrei út fyrir borgarmörkin til að sjá meira af Marokkó, en að okkar mati væru það svokölluð byrjendamistök því það er svo margt að sjá og skoða í Marokkó og margar skemmtilegar dagsferðir sem hægt er að fara frá Marrakesh sem eru svo sannarlega þess virði.

Fjallganga. Fjórhjólaferð í eyðimörkinni. Synt í sjónum. Leiðsögn um frægt kvikmyndaver. Í aðeins nokkurra tíma fjarlægð frá Marrakesh má finna ævintýri fyrir alla aldurshópa og á hárréttu verði. Þessar dagsferðir eru auðveldar og aðgengilegar enda þaulskipulagðar og oftar en ekki eru máltíðir og leiðsögn innifalin í verðinu. Þeir sem vilja síður ferðast í hóp ættu að spyrja hótelið eða gestgjafann um einkabílstjóra sem er hagkvæmur kostur í Marokkó og frábær lausn fyrir þá sem vilja meira einrými og frelsi í dagsferðinni.

Hér eru sex vinsælar dagsferðir frá Marrakesh.

Aðventuferð í Evrópu, skíðasvæði í Ölpunum, sól, sjór og strönd, verslað í Bandaríkjunum og allt þar á milli. Kíktu á bloggið okkar og láttu hugann reika.

PLAY bloggið

Viltu kynnast Madríd betur?

Úrvalsafþreying á Fuerteventura

LEIKVÖLLURINN

PLAYLISTINN

FYRIRSPURNIR

SAMFÉLAGSMIÐLAR