Má ég ferðast með hljóðfæri?

Þú getur ferðast með hljóðfæri í handfarangri ef það passar í farangursgeymsluna fyrir ofan sætin í flugvélinni. Viðmiðið er að hljóðfærið sé mjög nálægt stærðartakmörkunum fyrir keyptan handfarangur almennt (56x45x25 cm). Það er á ábyrgð eiganda hljóðfærisins að það passi í farangursgeymsluna. Hægt er að miða við að hljóðfærið sé ekki stærra en gítar. Hljóðfæri sem passa alla jafna í farangursgeymsluna eru altsaxófónn í kassa, víólukassi, básúna, fiðla og lítil harpa.

Þú getur bætt handfarangri við bókunina þína í gegnum MyPLAY aðganginn þinn.

Ef að hljóðfærið þitt er stærra en handfarangur, og kemst ekki í farangursgeymsluna fyrir ofan sætin í flugvélinni, þá getur þú innritað það sem venjulegan sérfarangur eða stóran sérfarangur. Það fer eftir stærð og þyngd hljóðfærisins.

Hámarksstærð á venjulegum sérfarangri er 180x124 cm og 20 kg. Hámarksstærð á stórum sérfarangri er 277x75x65 cm og 32 kg. 

Athugaðu að gjald er tekið fyrir allan innritaðan farangur. Þú getur bætt sérfarangri við bókunina þína í gegnum MyPLAY aðganginn þinn.

Að lokum getur þú bókað aukasæti fyrir hljóðfærið þitt. Hljóðfærið má að hámarki vera 135x35x45 cm og 75kg.

Þú greiðir það fargjald sem er í boði á þeim tíma sem þú bókar sætið, en greiðir ekki flugvallarskatta fyrir hljóðfærið. Ekki er hægt að kaupa aukafarangursheimild fyrir sætið.

Til þess að bóka sæti fyrir hljóðfærið þitt, þarftu að hafa samband við þjónustuteymið okkar.

Öllum sérfarangri þarf að pakka þannig að hann þoli almenna farangursmeðhöndlun. Farþegar sem innrita sérfarangur eru ábyrgir fyrir því að farangrinum sé nægilega vel pakkað í poka/tösku til að koma í veg fyrir skemmdir.

Við tökum einungis lágmarksábyrgð á sérfarangri sem ekki er nægilega vel pakkað í poka/tösku. Við mælum með að farþegar kaupi viðeigandi ferðatryggingar fyrir allan verðmætari farangur, s.s. hljóðfæri.