Skoða efni

Hvernig afbóka ég eða breyti bókun?

Breyttist eitthvað?

Breytingagjald

Eftir að bókun hefur verið gerð er hvorki hægt að breyta um áfangastað né brottfararstað ferðar. Þér er hins vegar velkomið að breyta dagsetningunni á fluginu þínu.

Það er í boði að breyta dagsetningu á fluginu þínu þangað til það er 1 klst. í flugið.

Ef að þú ákveður að breyta fluginu þínu þá þarftu að greiða breytingagjald fyrir hvern farþega á hvern fluglegg, auk fargjaldamismunar ef hann er til staðar.

  • Nýja flugið er dýrara en upprunalega flugið:
    Greitt er breytingagjald á hvern farþega og hvern fluglegg auk fargjaldamismunar.
  • Nýja flugið kostar það sama og upprunalega flugið:
    Greitt er breytingagjald á hvern farþega og hvern fluglegg.
  • Nýja flugið er ódýrara en upprunalega flugið:
    Greitt er breytingagjald á hvern farþega og hvern fluglegg. Fargjaldamismunur er ekki endurgreiddur.

Sætin munu færast með þér á nýja flugið svo lengi sem sömu sæti eru laus og þú heldur upprunalegu bókunarnúmeri. Við munum hins vegar senda þér nýja bókunarstaðfestingu á netfangið þitt með uppfærðum flugupplýsingum.

Ef þú vilt breyta dagsetningunni á fluginu þínu skaltu hafa samband við þjónustuteymið okkar og við munum aðstoða þig.

Nafnabreytingar og nafnaleiðréttingar

Við bjóðum ​ekki ​upp á nafnabreytingar á miða eftir að hann hefur verið bókaður.
Hægt er að gera nafnaleiðréttingar um 2-3 bókstafi endurgjaldslaust. Athugið að nafn á flugmiða verður að vera eins og það sem stendur í vegabréfi. Ekki er hægt að gera leiðréttingar eftir að þú hefur innritað þig á netinu.

Ef þú þarft að lagfæra nafn í þinni bókun skaltu hafðu samband við þjónustuteymið okkar og við munum aðstoða þig.

Afbókun

Allir okkar flugmiðar eru óendurgreiðanlegir nema forfallavernd hafi verið keypt. Ef þú keyptir ekki forfallavernd og kemst ekki í flugið þitt þá áttu alltaf rétt á því að fá flugvallarskattana endurgreidda. Í því tilfelli biðjum við þig um að hafa samband við þjónustuteymið okkar.

Því mælum við með því að farþegar okkar kaupi forfallavernd við bókun.
Fyrir frekari upplýsingar varðandi forfallavernd smelltu hér.

Fylltu út þetta form til að biðja um endurgreiðslu á miðanum og við munum hafa samband eins fljótt og auðið er.

Sérstakir skilmálar vegna COVID-19

Athugið að sérstök úrræði PLAY sem bjóða upp á aukinn sveigjanleika vegna COVID-19 gilda um allar bókanir sem gerðar eru til 31. ágúst 2021.