Skoða efni

Hvernig kaupi ég miða fyrir 10 eða fleiri?

Með því að senda inn þjónustubeiðni!

Hópabókun

Á síðunni okkar er aðeins hægt að bóka fyrir 9 farþega að hámarki undir sömu bókun.

Til að gera beiðni um hópabókun er einfaldlega smellt hér og þjónustubeiðni fyllt út. Vinsamlegast athugið að síðan er enn sem komið er aðeins á ensku, en engar áhyggjur, þú getur alltaf sent okkur tölvupóst á íslensku á flyplay@flyplay.com og við hjálpum þér að klára beiðnina ef að þú lendir í erfiðleikum. Athugið að hópatilboð gera ráð fyrir að farþegar ferðist saman á sömu dagsetningum.

Í þjónustubeiðninni er eftirfarandi valið: „I need an offer for my group of +9 passengers“.

Þar þurfum við eftirfarandi upplýsingar frá þér:

  • Tengiliður í bókun - nafn, netfang og símanúmer
  • Brottfararstaður og komustaður
  • Brottfarardagsetning og heimkomudagsetning
  • Fjöldi fullorðinna, barna og ungbarna í bókuninni
  • Hvort að við eigum að taka með í tilboðsverð innritaðan farangur eða aðra aukaþjónustu

Eftir að við höfum móttekið beiðnina munum við senda formlegt tilboð innan tveggja virkra daga frá því að fyrirspurnin barst. Við þurfum svo staðfestingu á því hvort að tilboðið sé samþykkt innan tveggja virkra daga.

Ef tilboðið er samþykkt, munum við setja upp bókunina og láta tengilið vita varðandi næstu skref, hvernig greiðslu verði háttað, hvenær við þurfum nafnalista, o.s.frv.

Staðfestingargjald þarf að greiðast innan sjö virkra daga frá því að bókun var staðfest. Staðfestingargjald er 20% af heildarupphæð bókunarinnar en að lágmarki 10.000 kr. á hvern farþega.

Lokagreiðsla þarf að berast í síðasta lagi átta vikum fyrir brottför.

Athugið að ef beiðni um tilboð í hóp berst innan við átta vikum fyrir brottfarardagsetningu þá þarf að greiða alla bókunina í einu.