Skoða efni

Farangurinn minn skemmdist eða honum seinkaði, hvað geri ég nú?

Mikið er það leiðinlegt - við gerum okkar besta til að leiðbeina þér um næstu skref

Seinkaður farangur

Ef innritaður farangur skilar sér ekki biðjum við þig um að fylla út skýrslu um seinkaðan farangur strax við komu á þinn PLAY áfangastað. Í skýrslunni þarf að koma fram nafn, töskunúmer, tengiliðir og lýsing á farangri.

Við biðjum þig að fylla skýrsluna út áður en þú ferð af flugvellinum. Hægt er að fylla hana út allt að sex klst. eftir komu þína á áfangastað. Við munum svo upplýsa þig um framgang mála í gegnum tölvupóst.

Skemmdur farangur

Ef farangur skemmist um borð biðjum við þig um að fylla út skýrslu um skemmdan farangur strax við komu á þinn PLAY áfangastað. Í skýrslunni þarf að koma fram nafn, töskunúmer, tengiliðir og mynd af skemmdinni. Fulltrúi töskudeildar mun svo skoða skemmdina og meta hana.

Við mælum með að farþegar skili skýrslunni um leið og þeir hafa komið auga á skemmdina. Það einfaldar málsmeðferð þegar kemur að kröfuferli. Samkvæmt Montreal-samningnum er frestur til að tilkynna um skemmdan farangur sjö dagar.

Farangurskröfur

Við framfylgjum skilmálum Montreal Convention 1999 þegar kemur að skemmdum eða seinkuðum farangri.

Við biðjum þig vinsamlegast um að fylla út kröfu hérHlekkur opnast í nýjum flipa og við munum hafa samband við þig.