Skoða efni

Má ég ferðast með veiðibúnað líkt og veiðistangir og byssur?

Já, svo lengi sem þú fylgir pökkunarleiðbeiningum okkar

Pökkunarleiðbeiningar

Veiðistöngum og veiðibúnaði á að pakka í harðspjalda, öruggar umbúðir og veiðistangir skal brjóta saman. Ekki er tekið við lifandi beitu í flug. Samkvæmt fyrirbyggjandi aðgerðum gegn útbreiðslu smitsjúkdóma hér á landi er bannað samkvæmt lögum að nota veiðibúnað (þar með talið vöðlur og stígvél) sem hefur verið notaður erlendis nema búnaðurinn hafi verið sótthreinsaður á fullnægjandi hátt. Vinsamlega hafið í huga reglur og reglugerðir á áfangastað. Engu öðru má pakka með í töskuna.

Skotvopn og skotfæri má ferðast með til einkanota. Vinsamlegast athugið að ferðast þarf með byssuleyfi farþega og öll önnur opinber skjöl sem gæti þurft að sýna á áfangastað.

Ef að leyfið eða skjölin eru ófullnægjandi við komu á áfangastað ber farþegi sjálfur ábyrgð á öllum þeim sektum og útgjöldum sem hann kann að verða fyrir. 

Hvernig á að pakka búnaðnum:

  • Vopn og skotfæri má aðeins flytja í farangursrými vélarinnar og ætti að bóka sem sérfarangur.
  • Byssuna á að taka í sundur.
  • Skotfærum á að pakka sér.

Hér fyrir neðan má finna nákvæmari upplýsingar um það hvernig á að pakka vopnum og skotfærum.

Vopn og skotfæri

Vopn (rifflar, haglabyssur, loftrifflar og skammbyssur) til veiða og íþróttaiðkunar eru samþykkt í flug, en einungis í farangursrými vélarinnar.

  1. Vopnum og skotfærum á að pakka sérstaklega frá öðrum innrituðum farangri og geyma á stað þar sem óviðkomandi aðilar geta ekki nálgast þau.
  2. Farþegi sem innritar vopn eða skotfæri þarf að sýna fram á viðeigandi gögn, þar með talin leyfi sem segja til um notkun skotvopnsins á áfangastað, en einnig útflutningsleyfi frá viðkomandi ríki. Starfsfólk í innritun gengur í skugga um að skotvopnið sé ekki hlaðið, en skírteinishafi þarf einnig að staðfesta að skotvopnið sé óhlaðið.
  3. Vopnum skal pakkað í öruggar, harðspjalda pakkningar og merkja „skotvopn“ sem og nafni eiganda.
  4. Skotfærum eða skothylkjum að frátöldum þeim sem innihalda sprengiefni eða sprengiskotfæri (skv. 1.4S: UN0012 og UN0014I) ber að pakka tryggilega, helst í sterkar, lokaðar pakkningar úr tré, málmi eða trefjaplötu. Skotfærunum á að pakka tryggilega til að koma í veg fyrir hreyfingu eða að það komi högg á þau í meðhöndlun og/eða meðan á ferðalagi stendur.
  5. Magn skotfæra má ekki fara yfir leyfilegt magn. Leyfilegt magn er að hámarki 5 kg og skotfærin verða að vera ætluð til einkanota farþegans.
  6. Farangur sem inniheldur vopn og skotfæri á að innrita við afgreiðslu fyrir sérfarangur/yfirvigt þar sem hann er gegnumlýstur og samþykktur fyrir flug. Farangurinn er skoðaður sérstaklega af starfsmönnum flugvallarins ef þörf er talin á.

Láttu okkur vita

Þú getur bætt þessu við bókunina þína inni á MyPLAY aðganginum þínum eða með því að hafa samband við þjónustuteymið okkar.

Athugaðu að þessu þarf að bæta við bókunina þína í síðasta lagi 48 tímum fyrir flugið þitt.