Um PLAY
Leikvöllur í háloftunum!
PLAY er íslenskt lággjaldaflugfélag sem sett var á laggirnar vorið 2019 með höfuðstöðvar á Íslandi. PLAY leggur sig fram um að bjóða lágt verð til skemmtilegra áfangastaða og flýgur þangað á nýlegum Airbus flugvélum.
Hjá PLAY er öryggi ávallt í fyrsta sæti og rík áhersla lögð á stundvísi, einfaldleika, gleði og hagstætt verð.
Stjórn PLAY
Framkvæmdastjórn PLAY
Einar Örn Ólafsson
Forstjóri
Einar Örn Ólafsson hefur víðtæka reynslu sem stjórnandi og fjárfestir. Hann hefur verið meðeigandi að fjárfestingarfélaginu Stoðum sem og stjórnarmaður meirhlutaeiganda þess. Einar var áður framkvæmdastjóri Fjarðalax, forstjóri Skeljungs en þar áður var hann í ýmsum stjórnunarstöðum í bankageiranum. Áður en hann tók við sem forstjóri PLAY var hann stjórnarformaður félagsins.
Einar er með MBA-gráðu frá NYU, Stern School of Business og BSc-próf í iðnaðarverkfræði frá Háskóla Íslands.
Andri Geir Eyjólfsson
Framkvæmdastjóri flugrekstrarsviðs (COO)
Andri hefur verið einn af lykilstarfsmönnum PLAY frá stofnun ári 2019. Hann hefur fjölbreytta átján ára reynslu af flugrekstri og starfaði áður hjá WOW air sem aðstoðartæknistjóri. Hann hefur einnig gegnt öðrum störfum hjá WOW air ýmsum störfum hjá Air Atlanta og Icelandair. Andri lærði flugvirkjun hjá TEC Aviation í Danmörku.
Daníel Snæbjörnsson
Framkvæmdastjóri leiðakerfis- og áætlunarsviðs (CNO)
Daníel Snæbjörnsson hannar leiðakerfi PLAY auk þess að fylgjast með þróun á mörkuðum og leita nýrra og spennandi áfangastaða fyrir félagið.
Daníel er með M.Sc. gráðu í flugrekstrarfræði frá Cranfield University, B.Sc. gráðu í flugrekstrarfræði frá Embry Riddle Aeronautical University, einkaflugmannspróf og hefur lokið tveimur prófum hjá CFA-stofnuninni.
Áður en Daníel hóf störf hjá PLAY starfaði hann hjá Icelandair í leiðakerfis- og áætlunardeild.
Á árunum 2014 til 2019 starfaði Daníel sem framkvæmdastjóri leiðakerfisstjórnunar hjá WOW air. Fyrir það stofnaði hann og rak ráðgjafarfyrirtækið Altitude Aviation Advisory í Bretlandi. Frá 2006 til 2013, starfaði Daníel sem ráðgjafi hjá AviaSolutions/GECAS og sem greinandi hjá Ascend Worldwide. Frá 2004 til 2005 starfaði Daníel á flugrekstrarsviði hjá Íslandsflugi og Air Atlanta Icelandic.
Rūta Dabašinskaitė-Vitkė
Framkvæmdastjóri fjármálasviðs (CFO)
Rūta hefur 15 ára reynslu af reikningshaldi og fjármálum og 10 ára reynslu af framkvæmdastjórnarstörfum. Rúta er með meistarapróf í viðskiptafræðum (MBA) og gegndi starfi fjármálastjóra hjá Bluebird Nordic frá árinu 2021 til 2024 þar sem hún hafði starfsstöð bæði í Vilníus í Litháen og Reykjavík. Þar á undan starfaði hún sem forstjóri TD Baltic UAB sem er einn af stærstu dreifingaraðilum upplýsingatækni í Eystrasaltsríkjunum.
Sigurður Örn Ágústsson
Framkvæmdarstjóri viðskiptaþróunar- og upplýsingatækni (CDO)
Sigurður á að baki langan feril í flugrekstri en hann var áður forstjóri og stjórnarformaður Bláfugls ásamt því að sitja í stjórn Avion Express. Hann átti einnig stóran þátt í samningaviðræðum og undirbúningi nokkurra stórra fyrirtækjakaupa fyrir Avia Solutions Group (ASG), þar með talið Avion Express, SmartLynx og Bláfugl.
Sigurður Örn er með BA-gráðu í kennslufræðum frá Kennaraháskóla Íslands og MBA-gráðu frá Katz Graduate School of Business (University of Pittsburgh).
Sonja Arnórsdóttir
Framkvæmdastjóri tekna- og þjónustusvið (CCO)
Sonja er með BS-gráðu í fjármálaverkfræði frá Háskólanum í Reykjavík og hefur starfað við tekjustýringu hjá flugfélögum síðastliðin 12 ár. Hún starfaði sem sérfræðingur í tekjustýringu hjá WOW air þar sem hún leiddi tíu manna teymi og þá hefur hún starfað sem forstöðumaður tekjustýringar og sölu hjá PLAY frá 2019. Sonja ber ábyrgð á öllum sölu, tekju- og þjónustumálum hjá PLAY.
