Tilkynningar vegna flugáætlunar

Vegna óveðurs sem gengur yfir landið um helgina verður röskun á flugáætlun dagana 31. janúar og 1. febrúar.

Áætlunarferðir til Parísar, Amsterdam, Kaupmannahafnar, London og Berlínar verða farnar frá Íslandi í fyrramálið en ferðunum frá þessum borgum til Íslands seinni partinn hefur verið aflýst ásamt áætlunarferð til Dublin. Síðdegisbrottfarir til Lissabon og Madríd hefur verið flýtt til morguns en brottförum til Toronto, New York og Baltimore hefur verið aflýst.

Á laugardag er búið að aflýsa ferðum frá Íslandi til Parísar, Kaupmannahafnar og Amsterdam ásamt Dublin. Vélarnar sem fóru til Parísar, Amsterdam, Kaupmannahafnar, London og Berlín deginum áður snúa þá aftur til Íslands. Áætlunarferðum til Tenerife, Verona og Genfar hefur verið seinkað til 14:20 og 14:30.

Farþegar sem eiga bókun í flug sem er seinkað eða aflýst þessa daga hafa nú þegar fengið tilkynningu um breytingarnar og nánari upplýsingar um næstu skref ásamt valmöguleikum um framhaldið.

Þeir sem hafa ekki fengið upplýsingar vegna breytinga á flugi ættu að kanna eftirfarandi möguleika:

• Tengiliðaupplýsingarnar eru ekki rétt skráðar í bókuninni á MyPLAY. Vinsamlegast kannaðu upplýsingarnar og uppfærðu þær ef þær reynast rangar.
• Flugið var keypt í gegnum þriðja aðila sem skráði ekki tengiliðaupplýsingarnar þínar í bókunina. Viðkomandi aðili ber ábyrgð á að upplýsa farþega sem tilheyra bókuninni um næstu skref.

Endilega hafðu samband ef einhverjar spurningar vakna.